تین سالہ ڈائینو سار کی حیرت انگیز اور انتہائی قدیم باقیات دریافت

کنمنگ (شِنہوا) :  حجری آثار پر تحقیق کرنے والی ایک چینی ٹیم نے ملک کے جنوب مغربی صوبے یوننان میں ابتدائی جراسک دور میں پائے جانے والے ایک نوجوان ڈائینو سارکے آثار دریافت کئے ہیں۔

ایکٹا جیولوجیکا سِنیسا جریدے میں شائع ہونے والی تحقیق کے مطابق ڈائینوسار کا یہ نمونہ تقریباً1.7 میٹر لمبا ہے اور اس کے دانتوں کی بناوٹ سے پتہ چلتا ہے کہ یہ ڈائینوسار سبزی خور تھا۔

غیر ملکی خبر رساں ادارے کی رپورٹ کے مطابق تحقیق کے مصنف یوننان یونیورسٹی کے بی شنڈونگ نے کہا کہ ہڈیوں کے خوردبینی جائزہ سے پتہ چلتا ہے کہ یہ ڈائینو سار تقریباً تین سال کا تھا۔

بی شنڈونگ نے کہا کہ نوعمر ڈائینوسور کی ہڈیاں پتلی ہونے کی وجہ سے زمین کی تہوں میں آسانی سے محفوظ نہ رہ سکیں اس لئے محقیقن کو اس کی ساخت کی خصوصیات کا انتہائی تھوڑا علم ہوسکا ہے۔

Comments