اشتہار

یورپ میں 12 تا 15 برس کے بچوں کے لیے کس ویکسین کی اجازت دی گئی؟

اشتہار

حیرت انگیز

برسلز: یورپی میڈیسن ایجنسی نے بچوں کے لیے کرونا ویکسی نیشن کی اجازت دے دی۔

تفصیلات کے مطابق یورپی میڈیسن ایجنسی (ای ایم اے) نے کہا ہے کہ اس نے 12 تا 15 برس کی عمر کے بچوں کو ویکسین لگانے کی اجازت دے دی ہے، تاہم اس کی حتمی منظوری کا فیصلہ یورپی یونین کمیشن کرے گا۔

ای ایم اے کے مطابق بچوں کے لیے جس ویکسین کی اجازت دی گئی ہے وہ بائیو این ٹیک اور فائزر کی تیار کردہ کرونا ویکسین ہے۔ واضح رہے کہ اس سے قبل یورپی یونین نے کرونا ویکسین 16 سال سے زائد عمر کے افراد کو لگانے کی اجازت دی تھی۔

- Advertisement -

یہ یورپ میں بارہ سے پندرہ برس کی عمر کے بچوں کے لیے پہلی منظور شدہ کرونا ویکسین ہے، یورپی ممالک اب اپنے لیے اس کے استعمال کا فیصلہ خود کریں گے، جرمن حکام نے جمعرات کو اس سلسلے میں آمادگی کا اظہار کیا تھا۔

امریکا اور کینیڈا بھی رواں ماہ کے شروع میں نو عمروں کے لیے فائزر ویکسین کی منظوری دے چکے ہیں۔ واضح رہے کہ عالمی ادارہ صحت نے یورپ کو گزشتہ دنوں خبردار کیا تھا کہ ویکسین لگانے کا عمل تیز کرنے کی ضرورت ہے کیوں کہ کرونا وبا تب تک ختم نہیں ہوگی جب کہ 70 فی صد آبادی کو ویکسین نہیں لگ پائے گا۔

ای ایم اے کے ویکسین کی حکمت عملی کے سربراہ مارکو کیولری نے کہا ہے کہ 12سے 15 سال کی عمر کے گروپ کو کم از کم 3 ہفتوں کے وقفے کے ساتھ 2 ڈوزز کی ضرورت ہوگی۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں