وفاقی وزیر اطلاعات و نشریات فواد چوہدری نے کہا ہے کہ ریلوےحادثات کا خون پیپلزپارٹی اورن لیگ کے ہاتھوں پر ہے سیاسی بھرتیوں کے ذریعے سرکاری اداروں کوتباہ کیا گیا، ساری اپوزیشن اکھٹی بھی ہو جائے تو عمران خان کی حکومت ختم نہیں کر سکتی۔
ڈہرکی ٹرین حادثے سے متعلق قومی اسمبلی میں اظہارخیال کرتے ہوئے فواد چوہدری نے کہا کہ ملت اور سرسید ایکسپریس ایک دوسرےکو کراس کررہی تھیں، دونوں ٹرینوں پرمجموعی طور پر 1388 مسافر سوار تھے، حادثے کی مکمل انکوائری کاحکم دے دیا گیا ہے حادثے سےپتہ چلتا ہےکہ برسوں سے غفلت کامظاہرہ کیا گیا۔
انہوں نے کہا کہ ایک وقت تھا جب پاکستان ریلوے بہترین ادارہ ہوا کرتا تھا مگر سیاسی بھرتیوں نے اسے تباہ کر دیا، ماضی میں ریلوےکےبجٹ میں 2تہائی کمی کی گئی جب نوازشریف کی حکومت آئی توانہوں نےریلوےٹریک ہی خریدلیے۔
وزیراطلاعات نے کہا کہ ریلوےحادثات کا خون پیپلزپارٹی اورن لیگ کےہاتھوں پر ہے ن لیگ اور پیپلزپارٹی ریلوے پر سرمایہ کاری کرتی تو حادثات نہ ہوتے، اورنج لائن پر اربوں روپےخرچ کرنے کے بجائے ریلوے پر خرچ ہوتےتوحادثات نہ ہوتے، ریلوےکےنام پر کی گئی کرپشن میں سعدرفیق نیب کیسز بھگت رہے ہیں۔
ان کا کہنا تھا کہ ساری اپوزیشن اکھٹی بھی ہوجائےتوعمران خان کی حکومت ختم نہیں کرسکتی، اپوزیشن کی ساری توجہ اپنےقائدین کےکرپشن کیسزکےخاتمے پر ہے پیپلزپارٹی ملکی جماعت کے بجائےصرف اندرون سندھ کی قوم پرست جماعت بن گئی اگلے انتخابات میں یہ جماعتیں چند حلقوق تک محدود ہو جائیں گی۔
