گال: پاکستانی بلے بازوں کی مایوس کن کارکردگی کے سبب سری لنکا نے پاکستان کو آؤٹ کلاس کرتے ہوئے گال ٹیسٹ میں سات وکٹوں سے کامیابی سمیٹ لی۔
بے جان میچ میں جان ڈالنا اور پھر ہار جانا کوئی پاکستان سے سیکھے ڈرا کی جانب گامزن گال ٹیسٹ میں پاکستانی کی ناقابل بیٹنگ ہیراتھ کی گھومتی گیندوں پردھوکا کھا گئی اورمیچ لنکن ٹائیگرز کو تحفے میں دے بیٹھی۔
پاکستان نے ایک کھلاڑی آؤٹ چار رنز پر چوتھے روز کھیل کا آغاز کیا۔ نائٹ واچ مین سعید اجمل سمیت احمد شہزاد اورپہلی اننگز کے ہیرو یونس خان فلاپ ہوئے۔ بلے بازوں نے توچل میں آیا کی پالیسی اپنائی۔
مصباح الحق نے اظہر علی کے ساتھ مل کر کچھ مزاحمت تو کی لیکن ناقص حکمت عملی اورہیراتھ کی جادوگری نےرہی سہی کسر پوری کردی۔ اسد شفیق نے بھی امیدوں پر پانی پھیرنے کی روایت کو برقرار رکھا۔ سرفرازاحمد نے ٹیل اینڈرز کے مل کرنصف سنچری تو بنائی۔ مگر دوسرے اینڈ سے وکٹیں خزاں کے پتوں کی طرح جھڑتی رہی۔ پوری ٹیم دوسری اننگز میں صرف ایک سو اسی رنز پر ڈھیرہوگئی۔
ننانوے رنز کاآسان ہدف دیکھ کر سری لنکا نے ٹیسٹ کو ٹی ٹوئنٹی میں تبدیل کرتے ہوئے مطلوبہ ہدف تین وکٹوں پر حاصل کرتے ہوئے گال ٹیسٹ میں تاریخی فتح سمیٹ لی
