لاہور: پنجاب یونیورسٹی کے سیکیورٹی اسٹاف نے کارروائی کرتے ہوئے یونیورسٹی کے گیٹ سے شراب کی بوتلیں پکڑ لیں۔
اے آر وائی نیوز کے مطابق پنجاب یونیورسٹی کے گیٹ نمبر ایک پر سیکیورٹی اسٹاف نے بڑی مقدار میں شراب کی بوتلیں پکڑ لیں، ذرائع کے مطابق ملزم طلبا تنظیم کے ناظم کا نام لے کر شراب کی 20 بولتیں یونیورسٹی ہاسٹل پہنچا رہا تھا۔
ذرائع کا کہنا ہے کہ موٹر سائیکل سوار بیگز میں شراب کی 20 بولتیں یونیورسٹی ہاسٹل لے جارہا تھا، سیکیورٹی گارڈز نے مشکوک بیگز دیکھ کر گیٹ نمبر ایک پر موٹر سائیکل سوار کو پکڑ لیا۔
یونیورسٹی انتظامیہ نے شراب کی بوتلیں قبضے میں لینے کے بعد پولیس کو طلب کرلیا۔
ذرائع کے مطابق پنجاب یونیورسٹی نے طالب علم کو معطل کرکے کارروائی کا آغاز کردیا جبکہ طالب علم اور موٹر سائیکل سوار کے خلاف مقدمہ درج کرلیا گیا ہے۔
یونیورسٹی انتظامیہ کا کہنا ہے کہ گاڑیوں کی سیکیورٹی انسپکشن کے بغیر یونیورسٹی کی حدود میں داخلے کی اجازت نہیں ہے۔
