راولپنڈی میں خاتون سے پرس چھین کر فرار ہونے والے ملزم کو گرفتار کرلیا گیا۔
اے آر وائی نیوز کے مطابق راولپنڈی کے علاقے ڈھوک چوہدریاں میں گلی سے گزرنے والی اسکول ٹیچر سے پرس چھین کر فرار ہونے والے ملزم کو پولیس نے گرفتار کرلیا، واقعے کی ویڈیو سوشل میڈیا پر وائرل ہوئی تھی۔
ملزم نے خاتون سے پرس چھینا تھا اس دوران وہ سڑک پر گر کر زخمی ہوگئی تھی اور ملزم فرار ہوگیا تھا۔
ویڈیو میں دیکھا جاسکتا ہے کہ ملزم کے فرار ہونے کے بعد دو موٹر سائیکل سوار وہاں پہنچے اور خاتون کی خیریت دریافت کی تھی۔
Rawalpindi Police is on it, our field officers are investigating this incident of Purse Snatching. Insha Allah the culprit will be traced and arrested soon.
— Rawalpindi Police (@RwpPolice) June 25, 2021
واقعے کی ویڈیو وائرل ہونے کے بعد پولیس نے مقدمہ درج کیا اور اب کارروائی کرتے ہوئے ملزم کو گرفتار کرلیا۔
راولپنڈی پولیس کا کہنا ہے کہ خاتون سے پرس چھیننے والے ملزم انیس اقبال کو گرفتار کیا گیا ہے۔
پولیس کا کہنا ہے کہ دوران گرفتاری ملزم نے پولیس پر فائرنگ کی کوشش کی اس دوران ملزم اپنے ہی گولی لگنے سے زخمی ہوگیا۔
پولیس کے مطابق ملزم کے قبضے سے چھینی گئی رقم اور پرس برآمد کرلیا گیا ہے۔
راولپنڈی پولیس نے خاتون سے پرس سنیچنگ کرنے والا ملزم انیس اقبال گرفتار کرلیا۔
سی پی او محمد احسن یونس نے واقعہ کا نوٹس لیتے ہوئے ملزم کی فوری گرفتاری کے احکامات دیےتھے۔ دوران گرفتاری ملزم نے پولیس پر فائر کرنے کی کوشش کی جس دوران ملزم کو اپنے ہی پسٹل سے دائیں کلائی پر فائر لگا۔ pic.twitter.com/2J2jHdW9ow
— Rawalpindi Police (@RwpPolice) June 25, 2021
