چین : جنوب مغربی علاقوں میں بارش اور سیلاب کے باعث نظام زندگی بری طرح مفلوج ہوگیا، مٹی کے تودے گرنے سے کئی اہم شاہراہیں بند ہوگئیں۔
چین کے جنوب مغربی علاقوں میں شدید بارشوں اور سیلاب کے باعث کئی علاقوں میں بجلی اور ٹرانسپورٹ کا نظام بری طرح مثاثر ہوگیا ، بارشوں کا سلسلہ تین روز سے جاری ہے، تیزبارش اور مٹی کے تودے گرنے سے نو افراد ہلاک اور گیارہ لاپتہ ہوگئے ہیں۔
مٹی کے تودے گرنے سے سڑکیں بند ہوگئیں، بارش کے باعث لوگ اپنے گھروں میں پھنسے ہوئے ہیں، جن کو محفوظ مقامات پر منتقل کرنے کے لئے امدادی کارروائیاں جاری ہیں، چین میں بارشوں اور سیلاب کے باعث پچاس ہزار کے قریب لوگوں متاثر ہوئے ہیں۔
