اسلام آباد : پاکستان میں کورونا کیسز اور اموات میں بتدریج کمی آرہی ہے ، ایک دن میں 34 مریض جاں بحق ہوئے اور 1400 کیسز سامنے آئے۔
تفصیلات کے مطابق نیشنل کمانڈ اینڈ آپریشن سینٹر سےکورونا کےاعداد و شمار جاری کردیئے گئے ، جس میں بتایا گیا کہ 24 گھنٹے میں ملک میں کورونا کے34 مریض جاں بحق ہوگئے ،جس کے بعد ملک میں کورونا سے تاحال 22ہزار379اموات ہوچکی ہیں۔
این سی او سی کا کہنا تھا کہ 24 گھنٹےمیں ملک میں 48ہزار27کوروناٹیسٹ کیے گئے ، جس میں سے 1400 افراد میں کورونا کی تصدیق ہوئی ، اس دوران کورونا کے ٹیسٹ مثبت آنے کی شرح2.91 فیصد رہی۔
نیشنل کمانڈ اینڈ آپریشن سینٹر کے مطابق ملک میں کورونا کے فعال کیسز کی تعداد32ہزار319 ہوگئی جبکہ ملک میں 9 لاکھ 61 ہزار 85 کورونا کیس سامنے آ چکے ہیں اور کورونا کے9 لاکھ 6 ہزار 387 مریض صحت یاب ہو چکے ہیں۔
این سی او سی نے مزید بتایا کہ ملک میں کورونا کے 212 مریض وینٹی لیٹر پر جبکہ 639 اسپتالوں میں کورونا کے 2111 مریض زیر علاج ہیں۔
