ٹوکیو : جاپان میں شدید بارشوں کے بعد ہونے والی لینڈ سلائیڈنگ کے نتیجے میں تین افراد ہلاک جب کہ درجنوں مکانات تباہ ہوگئے۔
بین الاقوامی میڈیا رپورٹس کے مطابق جاپان کے دارالحکومت ٹوکیو سے 100 کلومیٹر کے فاصلے پر واقعے علاقے اٹامی میں لینڈ سلائیڈنگ نے تباہی مچادی۔
ہفتے کے روز شدید بارشوں کے بعد ہونے والی لینڈسلائیڈنگ کے نتیجے میں 130 عمارتوں کو شدید نقصان پہنچا جب کہ 80 گھر مکمل طور پر تباہ ہوگئے جن کا ملبہ مٹی کی لہروں میں بہہ گیا۔
واقعے کے عینی شاہد نے میڈیا کو بتایا کہ ‘ میں نے ایک خوفناک آواز سنی اور گھروں کو مٹی کے ستھ بہتے دیکھا، جس سے بچنے کےلیے ریسکیو اہلکار مکینوں کو علاقے سے نکلنے کا کہہ رہے ہیں’۔
助けて、どうしていいかわかんない pic.twitter.com/bod6nxeooT
— Nakajima Mako (@522Kmkm) July 3, 2021
ریسکیو حکام کا کہنا ہے کہ لینڈسلائیڈنگ کے واقعے میں اب تک 20 افراد لاپتہ ہیں جن کی تلاش کےلیے سرچ آپریشن جاری ہے۔
ریسکیو حکام کے مطابق حادثے میں اب تک تین شہریوں کی موت ہوچکی ہے اور شرح اموات میں اضافے کا خدشہ ہے۔
واضح رہے کہ جاپان میں سیلاب اور لینڈسلائیڈنگ کے واقعات عام ہیں، جاپان لینڈسلائیڈنگ کے 1500 واقعات سالانہ رونما ہوتے ہیں۔
