دوشنبے : وزیر اعظم عمران خان نے ازبکستان پاکستان بزنس فورم کاافتتاح کردیا اور ازبکستان سے تجارتی تعلقات کو مزیدفروغ دینے کے عزم کا اظہار کیا۔
تفصیلات کے مطابق وزیر اعظم عمران خان نے ازبکستان پاکستان بزنس فورم کاافتتاح کردیا ، پروگرام کا انعقاد باہمی تجارت،معاشی تعلقات کوفروغ دینےکےمقصد سے کیا گیا۔
افتتاحی تقریب میں ازبکستان کےوزیر اعظم عبداللہ اروپوف نےبھی شرکت کی جبکہ تقریب میں100سےزیادہ پاکستانی اورازبک کاروباری شخصیات شریک ہوئیں۔
فورم میں وزیراعظم نے ازبکستان کے ساتھ تاریخی ، ثقافتی اور روحانی روابط پر روشنی ڈالی اور دونوں ممالک کے درمیان تجارتی، معاشی تعلقات مضبوط بنانے پرزور دیتے ہوئے کہا بزنس فورم دونوں ممالک کے کاروباری افراد کیلئےاہم موقع ہے۔
وزیراعظم نے کمپنیوں کےدرمیان کاروباری معاہدوں کا بھی خیرمقدم کرتے ہوئے کہا تجارتی تعلقات کےفروغ کیلئے رابطوں کےذرائع بڑھاناہوں گے، پاکستان بندرگاہوں سےنقل و حمل میں آسانی پرکام تیزکرچکا ہے۔
عمران خان کا کہنا تھا کہ افغانستان میں امن خطےمیں بنیادی اہمیت کاحامل ہے، پاکستان افغان امن کیلئے کوشاں ہے، افغانستان میں سیاسی تصفیہ چاہتے ہیں۔
