اسلام آباد : گزشتہ 24 گھنٹوں کے دوران کرونا وائرس کے مزید 32 مریض انتقال کر گئے جس کے بعد کرونا وائرس سے مجموعی اموات کی تعداد 22 ہزار 971 ہوگئی۔
تفصیلات کے مطابق نیشنل کمانڈ اینڈ آپریشن سینٹر کا کہنا ہے کہ پاکستان میں کرونا وائرس کے نئے کیسز کی یومیہ تعداد ایک بار پھر بڑھ رہی ہے، ملک بھر میں کرونا وائرس کے مثبت کیسز کی شرح میں بھی اضافہ ہورہا ہے۔
این سی اوسی کی تازہ اطلاع کے مطابق ملک بھر میں گزشتہ 24گھنٹے کے دوران مختلف اسپتالوں اور قرنطینہ مراکز میں کورونا وائرس کے مزید32مریض جان سے چلے گئے۔
گزشتہ 24 گھنٹوں کے دوران کرونا وائرس کے 1 ہزار 841 نئے کیسز رپورٹ ہوئے، کورونا کے37ہزار636ٹیسٹ کیے گئے، ملک میں کوویڈ 19 کے مجموعی کیسز کی تعداد 9 لاکھ 98 ہزار 609 ہوچکی ہے۔
ملک میں اب تک 1 کروڑ 92 لاکھ 7 ہزار 382 افراد کو ویکسین کی ایک ڈوز جبکہ 68 لاکھ 69 ہزار 346 افراد کو ویکسین کی دونوں ڈوزز لگائی جا چکی ہیں۔
این سی او سی کا کہنا ہے کہ گزشتہ 24 گھنٹوں میں ملک بھر میں کرونا وائرس کے مثبت کیسز کی شرح 6.3 فیصد رہی، ملک بھر کے 631اسپتالوں میں کرونا وائرس کے 2 ہزار 551 مریض تشویشناک حالت میں ہیں۔
