کراچی : معروف پاکستانی اداکارہ شگفتہ اعجاز کی گلوکار و اداکار جنید خان کی ویڈیو سامنے آگئی۔
دونوں اداکاروں کی یہ ویڈیو سماجی رابطے کی ویب سائٹ اور فوٹو ویڈیو شیئرنگ پلیٹ فارم انسٹاگرام پر اداکارہ شگفتہ اعجاز نے خود ہی شیئر کی۔
اس ویڈیو میں شگفتہ اعجاز اور جنید خان کو ملکہ ترنم میڈم نورجہاں کی آواز میں گایا ہوا گانا گن گناتے سنا جاسکتا ہے۔
شگفتہ اعجاز ہاتھ میں موبائل لیے اس گانے کے بول پڑھ کر گن گنا رہی تھیں جبکہ جنید خان چونکہ گلوکار بھی ہیں تو انہیں گن گنانے میں کوئی مسئلہ پیش نہیں آیا۔
View this post on Instagram
اداکارہ کی اس ویڈیو اور نئے روپ کو کو اُن کے پرستاروں نے بہت پسند کیا اور اچھے الفاظ میں تبصرے کیے۔ شگفتہ اعجاز اور جنید خان کی یہ ویڈیو دو روز قبل شیئر ہوئی، جس کے بعد اداکارہ نے دردانہ بٹ کے انتقال کے حوالے سے بھی پوسٹ کی اور اُن کے گزر جانے کو بڑا سانحہ قرار دیا۔
View this post on Instagram
