کابل: افغان دارالحکومت کابل پر طالبان نے مکمل کنٹرول حاصل کرلیا ہے کئی اہم افغان رہنما بیرون ملک فرار ہوگئے ہیں۔
میڈیا رپورٹ کے مطابق فرار ہونے والوں میں افغان جنرل اور سابق نائب صدر رشید دوستم بھی شامل ہیں، جو طالبان کے کابل پر کنٹرول حاصل کرنے سے قبل ہی ازبکستان فرار ہوئے۔
رشید دوستم جس ساتھی کمانڈر کے ہمراہ ازبکستان فرار ہوئے ہیں، اس کا نام عطا محمد ہے، عطا محمد کا کہنا ہے کہ مزار شریف کا سقوط ایک سازش کے ذریعے ممکن ہوا ہے۔
دوسری جانب رشید دوستم کے محل نما گھر میں طالبان جنگجوؤں کے داخل ہونے کی ویڈیو انٹرنیٹ پر وائرل ہورہی ہے۔
The #Taliban have captured Maraz-e-Sharif and are chilling at the {luxurious} house of a top commander of Afghan National Army Abdul Rashid Dostum.
Dostum had returned back to #Afghanistan from #Turkey a few days ago but is now forced to escape for border with #Uzbekistan pic.twitter.com/OLaFyeVRQz— Maxim A. Suchkov (@m_suchkov) August 14, 2021
اس سے قبل آج افغان صدر اشرف غنی اپنے عہدے سے مستعفی ہوئے، مستعفی ہونے کے فوری بعد انہوں نے افغانستان بھی چھوڑ دیا، بعدازاں افغان وزارت داخلہ کےاعلیٰ عہدیدار نے بھی تصدیق کی کہ اشرف غنی تاجکستان پہنچ گئے ہیں۔
تاجک میڈیا نےبھی اشرف غنی کی آمد کی تصدیق کرتے ہوئے بتایا کہ اشرف غنی کے ساتھ حمداللہ محب اورصدارتی آفس کےڈی جی بھی تاجکستان پہنچ چکے ہیں۔
افغان ٹی وی بھی یہ دعویٰ کررہا ہے کہ افغان صدر اشرف غنی کے ہمراہ قریبی ساتھی بھی ملک چھوڑ چکے ہیں۔
