لاہور : وزیراعلیٰ پنجاب عثمان بزدار نے بھارتی ویرینٹ میں تیزی سے اضافہ کے پیش نظر مجالس اور جلوسوں میں کورونا ایس اوپیز یقینی بنانے کی ہدایت کردی ہے۔
تفصیلات کے مطابق وزیراعلیٰ پنجاب عثمان بزدار نے ڈیلٹا ویرنیٹ کے پھیلاؤ کے پیش نظر مجالس،جلوسوں میں کوروناایس اوپیزیقینی بنانےکی ہدایت کرتے ہوئے مجالس اور جلوسوں کے شرکا سے ماسک کی پابندی پر عمل کی اپیل کردی ہے۔
عثمان بزدار کا کہنا تھا کہ ماسک کی پہننے کی پابندی پر عمل عوام کے اپنے مفاد میں ہے، عوام کو احتیاط کا دامن ہاتھ سے نہیں چھوڑنا چاہیے، کوروناکی چوتھی لہرپرقابو پانےکے لیے احتیاط بے حد ضروری ہے کہ جلوسوں اورمجالس میں کورونا ایس او پیز کو ملحوظ خاطر رکھا جائے۔
خیال رہے پنجاب میں کورونا وائرس کے بھارتی ویرینٹ میں تیزی سے اضافہ ہورہا ہے ، جس کے پیش نظر محکمہ صحت پنجاب نےراولپنڈی کے مزید6 علاقوں میں اسمارٹ لاک ڈاؤن نافذ کردیا ہے۔
سیکرٹری صحت سارہ اسلم کا کہنا تھا کہ مارکیٹس، دفاتر،ریسٹورنٹس ان علاقوں میں بند رہیں گے، مذہبی، ثقافتی،نجی اجتماعات پرمکمل پابندی ہوگی جبکہ لاک ڈاؤن شدہ ایریازمیں اشیا سے متعلقہ کاروبار کھل سکیں گے۔
واضح رہے ملک میں کورونا کی چوتھی لہر شدت اختیار کرتی جارہی ہے ، چوبیس گھنٹوں میں اموات اور 5 ہزار سے زائد کورونا کیسز رپورٹ ہوئے۔
