نیویارک : معروف ٹیکنالوجی کمپنی ایپل نے کمپیوٹر ایپل دوئم کی نایاب دستاویز 13 کروڑ روپے میں فروخت کردی۔
غیر ملکی خبر رساں ادارے کی رپورٹ کے مطابق کمپیوٹر کو چلانے کی ہدایات اور سسٹم کی تکینکی صلاحیت سے متعلق کتاب کو حیران کن قیمت میں نیلام کیا گیا ہے۔
رپورٹس میں کہا گیا ہے کہ 196 صفحات پر مشتمل کتاب (منوئل بک) ایپل دوئم کو چلانے کی ہدایات پر مشتمل ہے جس پر ایپل کے بانی اسٹیو جابز اور مائیک مرکولا نے 1980 میں دسختط کیے تھے۔
- Advertisement -
ذرائع ابلاغ کا کہنا ہے کہ خریدار نے اسٹیو جابز کے دستخط کی وجہ سے اس نایاب دستاویز کو 7 لاکھ 84 ہزار 484 امریکی ڈالرز (12 کروڑ 90 لاکھ روپے سے زائد) میں خریدا ہے۔
رپورٹ کے مطابق اپنے دستخط میں اسٹیوجابز نے لکھا کہ ’جولیئن! آپ کی نسل وہ پہلی نسل ہے جو کمپیوٹر کے ساتھ بڑی ہورہی ہے، جائیں اور دنیا کو بدل دیں‘۔
