سالن بنانے کی روایات ایشیا کے گھرانوں میں عام سی بات ہے اور سالن کے اوپر تیل کھانے سے بہت سے افراد احتیاط کرتے ہیں۔
سالن میں ذائقہ لانے کے لیے استعمال ہونے والی تیل کی مقدار نقصان دہ ثابت ہوتی ہے اور لوگوں کو سالن میں موجود اضافی تیل نکالنے میں مشکلات کا سامنا کرنا پڑتا ہے۔
تاہم ٹائم فار نالج کے ٹویٹر پر ایک ویڈیو شیئر کی گئی ہے جس میں سالن سے اضافی تیل نکالنے کا آسان طریقہ بتایا گیا ہے۔
مذکورہ ویڈیو دیکھ کر صارفین حیران رہ گئے اور ویڈیو اب تک ہزاروں صارفین دیکھ چکے ہیں اور اس طریقے کو شاندار بھی قرار دے رہے ہیں۔
ویڈیو میں دیکھا جاسکتا ہے کہ ایک برتن میں گرم سالن موجود ہے اور اس میں اوپ سے بہت زیادہ تیل تیر رہا ہے جسے ایک ساتھ ہٹا دیا گیا۔
سالن میں موجود اضافی تیل کو برف کے ایک ٹکڑے کی مدد سے ہٹایا گیا ہے، برف کو گریوی میں ڈبو دیا گیا اور سیکنڈز میں اضافی تیل اس کے نیچے چپک گیا پھر تیل کی پرت کو ہٹا کر گریوی سے الگ کردیا گیا۔
Using ice to remove the oil pic.twitter.com/EiIGv4vmUo
— Time For Knowledge (24×7) (@24hrknowledge) August 18, 2021
صارفین نے اس طریقے کو شاندار قرار دیا اور کچھ نے کہا کہ اس طرح سے کرنے سے سالن کا ذائقہ اور خوشبو ختم وہجائے گی اور کھانا ابلا ہونا چکن کھانے کی طرح ہوگا۔
