کہتے ہیں کہ میاں بیوی کی مثال گاڑی کے دوپہیوں جیسی ہوتی ہے اگر ایک پہیہ رک جائے تو زندگی کی گاڑی کو چلنے میں مشکلات درپیش آتی ہیں اسی لیے اس رشتے کو مضبوط رکھنے کیلئے محبت اور احساس کا ہونا بے حد ضروری ہے۔
عام طور پر میاں بیوی میں جھگڑے ہوتے ہی رہتے ہیں بلکہ اگر یہ کہا جائے کہ وہ میاں بیوی ہی نہیں جن کی آپس میں تو تو میں میں نہ ہوتی ہو۔
ان دنوں سوشل میڈیا پر ایک ویڈیو بہت وائرل ہورہی ہے جس میں ایک خاتون اپنے شوہر سے بہت معصومانہ انداز میں سالگرہ دھوم دھام سے نہ منانے کا شکوہ کررہی ہے۔
ویڈیو میں دیکھا جاسکتا ہے کہ خاتون نے اپنے شوہر سے شکوہ کررہی ہے کہ تم نے میری پچھلی سالگرہ پر بھی مجھے کوئی سرپرائز نہیں دیا تھا، صرف کیک کاٹنا ہی سالگرہ نہیں ہوتی۔
اس حوالے سے آے آروائی نیوز کے تحت عوامی سروے کیا گیا جس میں مرد و خواتین سے پوچھا گیا کہ کیا سالگرہ کے موقع پر بیوی کا ڈیمانڈنگ ہونا ضروری ہے جس پر خواتین نے بہت اچھے اور دلچسپ تبصرے کیے۔
ایک خاتون نے کہا کہ سالگرہ کی تقریب چاہے بڑی ہو یا نہ ہو تحفہ ضرور ملنا چاہیے، ایک اور خاتون کا کہنا تھا کہ میں اسی میں خوش ہوں شوہر محبت کرنے والا ہونا چاہیے پھر جو بھی مل جائے۔
ایک صاحب نے کہا کہ بیوی کو کوئی نہ کوئی تو گفٹ دینا پڑے گا ورنہ اسے خوشی نہیں ہوگی، ایک اور صاحب کا کہنا تھا کہ خواتین ہی ڈیمانڈنگ ہوتی ہیں ہونا بھی چاہیے کیونکہ یہ ان کا حق ہوتا ہے۔
