کوئٹہ: صوبہ بلوچستان کے دارالحکومت کوئٹہ میں دھماکا ہوا ہے جس میں 2 افراد جاں بحق ہوگئے۔
تفصیلات کے مطابق مستونگ روڈ پر نواحی علاقے میں دھماکا ہوا ہے جس میں 2 افراد جاں بحق اور متعدد زخمی ہوگئے۔
پولیس اور ریسکیو ٹیمیں جائے وقوعہ پر موجود ہیں۔
- Advertisement -
پولیس کے مطابق لاشوں اور زخمیوں کو اسپتال منتقل کردیا گیا ہے، سیکیورٹی فورسز نے علاقے کی ناکہ بندی کر کے سرچ آپریشن بھی شروع کردیا ہے۔
یاد رہے کہ چند روز قبل بھی کوئٹہ کے علاقے مشرقی بائی پاس پر دستی بم حملہ ہوا تھا جس میں 1 شخص جاں بحق اور 4 افراد زخمی ہوگئے تھے۔
پولیس کے مطابق نامعلوم افراد دستی بم پھینک کر فرار ہوئے تھے۔
