نیٹ فلِکس کی مشہور ڈرامہ سیریز "بریجرٹن” کو تیسری بار بھی روک دیا گیا، باوجود اس کے کہ اس ڈرامہ سیریز کے مداح اس کا بے صبری سے انتطار بھی کررہے ہیں۔
غیرملکی خبر رساں ادارے کی رپوٹ کے مطابق "بریجرٹن” کے دوسرے سیزن کی شوٹنگ روکنے پر مالکان کو بھاری نقصان کا سامنا کرنا پڑ رہا ہے۔
بریجرٹن نیٹ فلیکس کی مشہور سیریز میں سے ایک ہے جس کا مداح بے صبری سے انتظار کر رہے ہیں، سیریز نے 12 ایمی ایوارڈز کی نامزدگیاں بھی حاصل کی تھیں ، جن میں بہترین اداکار، بہترین اداکارہ اور بہترین ڈرامہ شامل ہے۔
رپورٹ کے مطابق مشہور ڈرامہ سیریز بریجرٹن کے دوسرے سیزن کی شوٹنگ کو تیسری بار بھی کوویڈ کی وجہ سے روک دیا گیا ہے۔ اس سے قبل رواں سال جولائی میں بھی بریجرٹن کی شوٹنگ کورونا کی ہی وجہ سے روک دی گئی تھی۔
علاوہ ازیں چند روز قبل نیٹ فلِکس کی ایک اور مشہور زمانہ ویب سیریز "منی ہیسٹ” کا پانچویں اور آخری سیزن ریلیز کردیا گیا ہے۔ ایک بار پھر پروفیسر اپنے نئے اور ناقابل شکست منصوبوں کے ساتھ اپنے ساتھیوں کو بچانے کے لیے پہنچ چکے ہیں۔
منی ہیسٹ کا پانچواں اور آخری سیزن میں 10 اقساط پر مشتمل ہوگا۔ منی ہیسٹ سیزن 5 کی جلد 1 میں پانچ اقساط ہوں گی جبکہ باقی 5 دوسری جلد میں ہونگی۔ جو 3 دسمبر کو ریلیز کیا جائے گا۔
گزشتہ سال 3 اپریل کو ریلیز ہونے والے اس کے چوتھے حصے کو ایک ماہ میں 65 ملین لوگ دیکھ چکے تھے اور یہ ابھی بھی ٹاپ ٹین ویب سیریز میں شامل ہے۔
