وزیراعظم عمران خان نے اوورسیز پاکستانیوں کی ایک اور مشکل آسان کرتے ہوئے ڈیجیٹل لینڈ ریکارڈ منصوبے کا آغاز کر دیا۔
اسلام آباد میں ڈیجیٹل لینڈ منصوبےکی تقریب سےخطاب کرتے ہوئے وزیراعظم نے کہا کہ ہمیں بہت ساری چیزوں کو بہت پہلے ہی کمپیوٹرائزڈ کر دینا چاہئےتھا کیونکہ قبضہ گروپ نہیں چاہتےکہ سسٹم کمپیوٹرائزڈہو۔
انہوں نے کہا کہ اسلام آبادکی ایک ہزارایکڑجنگلات کی زمین پرقبضہ ہوگیاتھا قبضہ گروپ طاقتور ہو چکا ہے قبضہ گروپ نہیں چاہتانظام میں بہتری آئے طاقتور لوگ زمینوں پرقبضہ کرکےپیسہ بناتےہیں اوورسیز پاکستانی محنت کرکےپیسہ کماکرزمین لیتےہیں ان کی زمینوں پربہت قبضےہوتےہیں۔
وزیراعظم نے کہا کہ قانون کی بالادستی ہوتی ہےتوسرمایہ کاری آتی ہے لینڈریکارڈ کمپیوٹرائزڈ ہونے سے شفافیت آئےگی، لینڈریکارڈکمپیوٹرائزڈہونےسےتبدیلی آئےگی اب ایف بی آرنظام کو بھی کمپیوٹرائزڈ کرنے کی کوشش کر رہے ہیں آئندہ 6سے7ماہ میں گھربیٹھےبیٹھےآن لائن زمین بیچ سکیں گے۔
وزیراعظم کا کہنا تھا کہ حکومت ٹیکنالوجی کااستعمال کرکےآسانیاں پیداکرےگی زمینوں کی قیمتیں بہت تیزی سے بڑھی ہیں، قبضہ گروپ کواب یہ ٹیکنالوجی شکست دےگی، جائیدادوں پرقبضےسےزیادہ اوورسیزپاکستانی متاثر ہوتے ہیں 3سال میں ہم نےاربوں روپےکےقبضےچھڑائے۔
انہوں نے کہا کہ اسلام آباد،کراچی ،لاہورکی ڈیجیٹلائزمیپنگ ہوجائےگی، عدالتوں میں 50فیصدمقدمات زمینوں کے ہوتے ہیں زمین کی منتقلی کراناعذاب بن گیاتھا زمین کی منتقلی کیلئےاس کوپیسےدو،اس کوپیسےدو، لینڈ ریکارڈ کمپیوٹرائزڈ نظام سےپتہ چل جائےگاکہ زمین کس کی ہے۔
