پشاور: نیب خیبرپختونخوا نے پنجاب کے مشہور سبط حسن شاہ المعروف ڈبل شاہ کو بیٹے سمیت خیبر پختونخوا سے گرفتار کرلیا ہے، ملزمان کو کروڑوں روپے دگنے کرنے کے الزام میں گرفتار کیا گیا۔
کروڑوں روپے دگنے کرنے کے فن سے لوگوں اور معروف کاروباری حضرات کو بے وقوف بنانے والے جعل ساز سبط حسن شاہ المعروف ڈبل شاہ کو خیبر پختون خواہ میں نیب نے گرفتار کر لیا، ڈبل شاہ کو بیٹے واجد الحسن سمیت پشاور سے گرفتار کیا گیا ۔
نیب ترجمان کے مطابق ملزمان نے اسلام ماڈل فانسنگ اور مختلف کاروبار سے رقم دگنی کرنے کا جھانسہ دیا اور لوگوں کے پیسے لے کے فرار ہوگئے ۔ ملزمان کا تعلق پنجاب سے ہے ۔
- Advertisement -
نیب ترجمان کے مطابق گرفتار ملزمان نے کروڑوں روپے کی رقم سادہ لوح عوام سے ہڑپ کی ہے، ملزمان کے دیگرساتھیوں کوبھی گرفتارکیا گیا ہے، ملزمان پر عوام سے کروڑوں روپے ہتھیانے کا الزام ہے۔
