دہلی: بھارت میں بڑے اژدھے کی زندہ ہرن نگلنے کی ویڈیو سوشل میڈیا پر وائرل ہوگئی ہے۔
غیرملکی خبررساں ادارے کی رپورٹ کے مطابق یہ دہشت ناک واقعہ بھارتی ریاست راجستھان میں پیش آیا جہاں 8 فٹ لمبا اژدھا دیکھتے ہی دیکھتے ہرن نگل گیا۔
اس حوالے سے سوشل میڈیا پر وائرل ویڈیو میں دیکھا جاسکتا ہے کہ کس طرح سانپ جانور کو نگل رہا ہے۔ رپورٹ میں بتایا گیا کہ اژدھے نے ہرن کو زندہ دبوچا، ہر ممکن کوششوں کے باوجود جانور خود کو بچا نہیں سکا۔
راجستھان کے ضلع باران میں جنگل کے اطراف مذکورہ اژدھے کی ویڈیو ریکارڈ کی گئی۔ عینی شاہدین کا کہنا ہے کہ سانپ ہرن کو نگلنے کے بعد جائے وقوع سے روانہ ہوگیا۔
بھارتی محکمہ جنگلات کے افسران بھی موقع پر موجود تھے اور ان ہی میں سے کسی افسر نے ویڈیو بنائی۔ لوگوں نے کہا کہ جنگل کے آپس پاس سانپ، ہرن اور شیر سمیت دیگر جانوروں نظر آتے رہتے ہیں۔
विशालकाय अजगर ने हिरण को दबोचा, फिर हुआ ये हाल…#ViralVideo pic.twitter.com/6WMeXw4nVZ
— alkesh kushwaha (@alkesh_kushwaha) September 15, 2021
