کراچی: نیوزی لینڈ کرکٹ ٹیم کی جانب سے سیکیورٹی خدشات کو جواز بنا کر اچانک دورہ پاکستان ختم کرنے پر سابق کپتان شاہد آفریدی اور شعیب اختر نے برہمی کا اظہار کیا۔
تفصیلات کے مطابق قومی ٹیم کے سابق فاسٹ بولر شعیب اختر نے سماجی رابطے کی ویب سائٹ ٹویٹر پر لکھا کہ ’نیوزی لینڈ کو پاکستان کی انٹیلی جنس پر بھروسہ ہونا چاہیے تھا، کیوی ٹیم کا پاکستان آکر بھی نہ کھیلنا افسوسناک ہے۔
NZ just killed Pakistan cricket 😡😡
— Shoaib Akhtar (@shoaib100mph) September 17, 2021
شعیب اختر نے لکھا کہ پاکستان میں کھیلنا نہیں تھا تو نیوزی لینڈ ٹیم کو آنا ہی نہیں چاہیے تھا، نیوزی لینڈ نے پاکستان کی کرکٹ کو قتل کردیا۔
° This was just an unverified threat, it could have been discussed.
° Prime Minister Imran Khan personally spoke to his NZ counterpart and assured but it was still refused.
° Pakistan has safely hosted South Africa, Bangladesh, West Indies, Sri Lanka, Zimbabwe & PSL.
— Shoaib Akhtar (@shoaib100mph) September 17, 2021
دوسری جانب سابق کپتان شاہد آفریدی نے بھی ٹویٹر پر سخت ردعمل کا اظہار کیا ہے۔
شاہد آفریدی نے لکھا کہ ’تمام یقین دہانیوں کے باوجود ایک غیرمصدقہ اطلاع پر دورہ منسوخ کردیا گیا۔
انہوں نے نیوزی لینڈ کرکٹ بورڈ کو ٹیگ کرتے ہوئے لکھا کہ ’آپ کو اندازہ ہے اس فیصلے کا کیا اثر ہوگا؟
On a HOAX threat you have called-off the tour despite all assurances!! @BLACKCAPS do you understand the IMPACT of your decision?
— Shahid Afridi (@SAfridiOfficial) September 17, 2021
نیوزی لینڈ کرکٹ ٹیم نے سکیورٹی خدشات کو جواز بناکر پاکستان کا دورہ اچانک ختم کرنے کا اعلان کردیا جس کے بعد دونوں ٹیموں کے درمیان سیریز ملتوی کردی گئی ہے۔
خیال رہے کہ 18سال بعد نیوزی لینڈ کی ٹیم پاکستان میں سیریز کھیلنے کے لیے آئی تھی اور ٹیم کی آمد سے قبل نیوزی لینڈ کی سکیورٹی ٹیم نے بھی انتظامات پر اطمینان کا اظہار کیا تھا۔
پاکستان اور نیوزی لینڈ کے درمیان تین ون ڈے میچز راولپنڈی اور 5 ٹی ٹوئنٹی میچز لاہور میں کھیلے جانے تھے۔
خیال رہے کہ پاکستان آنے سے قبل نیوزی لینڈ کی ٹیم نے بنگلا دیش میں سیریز کھیلی ہے۔
