نئی دہلی:آل انڈیا مجلس اتحاد المسلمین کے صدر اور ممبر پارلیمنٹ اسد الدین اویسی کی رہائش گاہ پر حملہ ہوا ہے۔
بھارتی میڈیا کے مطابق اسد الدین اویسی کی دہلی کی سرکاری رہائش گاہ پر نامعلوم افراد نے حملہ کرتے ہوئے رہائش گاہ کے داخلی دروازے اور باہر کھڑی گاڑی کو نقصان پہنچایا۔
رپورٹ کے مطابق جس وقت حملہ کیا گیا، اسد الدین اویسی سرکاری رہائش گاہ میں موجود نہیں تھے۔
واقعے کے بعد اسد الدین اویسی نے سماجی رابطے کے ویب سائٹ پر ٹوئٹ کرتے ہوئے کہا کہ بزدلی میں مشہور انتہا پسندغنڈوں نے آج میری دہلی رہائش گاہ میں توڑ پھوڑ کی، یہ لوگ ہمیشہ کی طرح اکیلے نہیں مجمع میں آئے۔
My Delhi residence was vandalised today by radicalised goons. Their cowardice is well known & as usual they came in a mob, not alone. They also chose a time when I was not home. They were armed with axes and sticks, they pelted stones at my house, my nameplate was destroyed. 6/n
— Asaduddin Owaisi (@asadowaisi) September 21, 2021
اسد الدین اویسی نے لکھا کہ انہوں نے ایک ایسے وقت کا انتخاب کیا جب میں گھر پر نہیں تھا، وہ لوگ کلہاڑیوں اور لاٹھیوں سے لیس تھے، انہوں نے میرے گھر پر پتھر برسائے اور میرے نام کی تختی کو تباہ کردیا۔
واقعے کے بعد نئی دہلی پولیس نے پانچ افراد کو حراست میں لے لیا ہے، میڈیا سے گفتگو میں نئی دہلی کے ڈپٹی کمشنر پولیس دیپک یاد نے بتایا کہ ملزمان سے متعلق مکمل معلومات نکالی جارہی ہے،۔
There were at least 13 people, 6 have been detained. This is the third time that my residence has been attacked. Last time it was vandalised @rajnathsingh was not only the Home Minister but also my neighbour. 8/n
— Asaduddin Owaisi (@asadowaisi) September 21, 2021
پولیس ذرائع کا کہنا ہے کہ حملہ کرنے والے دہلی کے منڈولی علاقہ کے رہنے والے ہیں ، حملہ کرنے والے شخص کا ویڈیو بھی وائرل ہورہا ہے ، اس میں حملہ کرنے والا شخص خود کو للت کمار ہندو سینا کا ریاستی صدر بتا رہا ہے۔
دوسری جانب ایم آئی ایم کے ریاستی صدر نے کہا کہ اویسی کی سرکاری رہائش گاہ پر حملہ کیا گیا ہے، یہ قابل مذمت ہے، وہ اس معاملہ کی تھانہ پارلیمنٹ اسٹریٹ میں شکایت درج کرائیں گے۔
