اسلام آباد : وزیراعظم عمران خان نے انتخابات میں کامیابی پر کینیڈین وزیراعظم جسٹن ٹروڈو کو مبارکباد دیتے ہوئے ملکرکام کرنے کیلئے عزم کا اظہار کیا۔
تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر کینیڈامیں انتخابات جیتنے پر جسٹن ٹروڈوکومبارکباد دیتے ہوئے کہا باہمی تعلقات کومزیدمضبوط بنانے کیلئےملکرکام کرنےکیلئے پر عزم ہیں۔
Congratulations Prime Minister @JustinTrudeau on election victory. Looking forward to working together to further strengthen our bilateral relationship.
— Imran Khan (@ImranKhanPTI) September 22, 2021
خیال رہے جسٹن ٹروڈو نے مسلسل تیسری بار کینیڈا کےانتخابات میں کامیابی حاصل کی، مگر اس بار وہ واضح اکثریت حاصل کرنے میں ناکام رہے۔
کینیڈا میں ہونے والے انتخابات میں حکمراں جماعت نے 156 اضلاع میں کامیابی حاصل کی جبکہ اپوزیشن جماعت 122 اضلاع سے کامیاب قرار پائی۔
بعد ازاں جسٹن ٹرڈو نے اپنی کامیابی کا اعلان سماجی رابطے کی ویب سائٹ ٹویٹر کے ذریعے کرتے ہوئے عوام کا شکریہ ادا کیا اور قوم کے نام جاری اپنے پہلے پیغام میں کہا کہ کرونا سے نمٹنے اور خوش حال دنوں کے لیے لبرلز کے ترقی پسند منصوبے کا انتخاب کرنے والے عوام کی توقعات ہر ہم پورا اترنے کی کوشش کریں گے۔
