پنجاب حکومت نے سانحہ ماڈل ٹاؤن کے ورثا کودیت کی شکل میں بھاری معاوضہ دینے کی پیشکش کر دی ،جسے ورثا نے قبول کرنے سے انکار کردیا حکومت پنجاب کا سانحہ ماڈل ٹاؤن کے شہداء کے ورثا سے ایک بار پھر رابطہ ۔دیت کی شکل میں ورثا کو بھاری معاوضہ دینے کی پیشکش کر دی گئی۔
سترہ جون دوہزار چودہ کو لاہور ماڈل ٹاون میں منہاج القران چودہ کارکنان پولیس تشدد کے سبب جان سے گئے۔اور متعدد زخمی ہوئے۔عدالتی نوٹس کے بعد ایف آئی آر درج کی گئی تو حکومت کی جانب سے مقتول کے ورثاء سے رابطے کئے گئے اور دیت کی پیشکش کی گئی جسے ورثاء نے مسترد کردی۔
اس سے پہلے بھی حکومت کی جانب سے ورثاء کو تیس لاکھ روپے اور گھر فی خاندان دینے کی پیشکش کی گئی تھی جسے مقتول کے اہل خانہ نے قبول کرنے سے انکار کردیا تھا۔
واضح رہے کہ سانحہ ماڈل ٹاؤن میں پولیس فائرنگ سے جاں بحق ہونے والے چودہ افراد کے قتل کا مقمہ لاہور کی سیشن عدالت نے اکیس افراد کیخلا ف درج کرنے کا حکم دیا تھا۔
