پاکستان کی معروف اداکارہ اریبہ حبیب نے اپنی اسکن کی تروتازگی کا راز بتادیا ہے۔
اریبہ حبیب کا خوبصورتی سے متعلق ایک کلپ سوشل میڈیا پر وائرل ہوا ہے، جس میں اُنہیں صاف اسکن اور خوبصورتی میں اضافے کے لیے مداحوں کو ٹپس دیتے ہوئے دیکھا جا سکتا ہے۔
اریبہ حبیب کہتی ہیں کہ صاف اور نرم ملائم جِلد کے لیے صبح اُٹھ کر شہد میں لیموں کا رس ملا لیں، اب اس میں آدھا چمچ ‘کافی’ کا بھی شامل کرکے پیسٹ بنا لیں۔
ادکارہ نے بتایا کہ ’کافی، لیموں اور شہد کے اس فیس ماسک کو چہرے پر لگا لیں اور سوکھنے پر چہرہ دھو لیں، اس عمل سے اسکن صاف شفاف اور نرم ہو جاتی ہے اور داغ دھبوں کا بھی خاتمہ ہو جاتا ہے۔
یہ بھی پڑھیں: ’جلن‘ کے اختتام پر اریبہ حبیب کی پوسٹ وائرل
اریبہ حبیب نے ٹپ شیئر کرتے ہوئے مزید بتایا کہ ’کافی پینے اور چہرے پر لگانے دونوں صورتوں میں بہت اچھی ہے، کافی کا پیسٹ آپ کے چہرے کو تروتازہ کر دیتا ہے اور تازگی کا نیا احساس دیتا ہے۔
ویڈیو میں اس ٹپ سے متعلق اداکارہ نے بتایا کہ جب وہ ملک روم میں موجود تھیں تو یہ طریقہ اُنہیں اُن کی ایک اٹالین دوست نے بتایا تھا۔
واضح رہے کہ اداکارہ اریبہ حبیب نے اے آر وائی ڈیجیٹل کا ڈرامہ سیریل ’جلن‘ میں مرکزی کردار ادا کیا تھا۔
View this post on Instagram
