محبوب آباد : بھارت میں سمندری طوفان گلاب نے تباہی مچادی، تیز اور موسلادھار طوفانی بارشوں نے سارا نظام زندگی مفلوج کرکے رکھ دیا۔
بارشوں سے ہونے والی تباہی سے اسپتال بھی محفوظ نہ رہ سکے، اسپتالوں میں داخل مریضوں کو اپنے علاج کے بجائے براہ راست خود کو موت کے منہ سے بچانے کی فکر لگ گئی۔
بھارتی ریاست تلنگانہ میں جاری موسلا دھار بارش کے دوران محبوب آباد کے ایک ضلعی اسپتال کے آئی سی یو وارڈ کی فالس سیلنگ اچانک گرگئی۔
آئی سی یو وارڈ میں داخل مریض کسی بھی حادثے سے بے خبر لیٹا ہوا تھا کہ اس کے اوپر فالس سیلنگ گرگئی لیکن خوش قسمتی سے وہ زخمی ہونے سے محفوظ رہا۔
اسپتال کے عملے نے فوری طور پر اسے اس جگہ سے منتقل کیا اور ضروری اقدامات کیے، عملے کا کہنا ہے کہ اس واقعے میں کسی قسم کا جانی نقصان نہیں ہوا ہے۔
بھارت میں سمندری طوفان “گلاب” اب کیا ہونے جارہا ہے؟
واضح رہے کہ سمندر میں ہوا کے کم دباؤ کے باعث ریاست تلنگانہ کے کئی حصوں میں تیز بارش ہوئی جس سے سڑکیں زیر آب آگئیں۔ بھارتی محکمہ موسمیات نے ریاست کے14 اضلاع میں مزید شدید بارشوں کا ریڈ الرٹ جاری کردیا ہے۔
