اسکردو: اپر چترال میں ہونے والی تین روزہ نیشنل پیرا گلائیڈنگ چیمئن شپ سندھ کے کھلاڑی نے جیت لی۔
اے آر وائی نیوز کے مطابق اپرچترال میں سہہ روزہ نیشنل پیراگلائیڈنگ چیمپیئن شپ کا انعقاد کیا گیا، جس میں سندھ سے تعلق رکھنے والے کھلاڑی میر عثمان نے فتح اپنے نام کی۔ْ
وزیراعلیٰ سندھ کے معاون خصوصی برائے امور نوجوان پارس دیرو نے ٹیم کو مبارکباد دی۔
ایکوریسی لینڈنگ میں کراچی سے تعلق رکھنے والے پائلٹ میرعثمان 12 ہزار 800 فٹ بلندی سے اڑان بھر کے مقررہ مقام پر لینڈ کر کے پہلی پوزیشن کے حقدار ٹھہرے۔ سندھ کی ٹیم کے دیگر ممبرز میں ثنا امین جان، عثمان میر علی، عبداللہ جان اور احمد علی شامل تھے۔
مزید پڑھیں: اپر چترال: 12 ہزار فٹ بلندی سے عمر ایوب سمیت پیراگلائیڈرز کی اڑان
نیشنل پیراگلائیڈنگ چیمپیئن شپ میں ملک بھر سے نوجوان کھلاڑیوں نے حصہ لیا جبکہ وفاقی وزیر اقتصادی امور عمر ایوب بھی پیرا گلائیڈنگ مقابلوں کے لیے زینی پاس پہنچے، انہوں نے دیگر کھلاڑیوں کے ساتھ پیرا گلائیڈنگ مقابلوں میں حصہ لیا۔
