قومی ٹیم کے سابق کپتان سرفراز احمد کے بیٹے عبداللہ کی فاسٹ بولنگ کی ویڈیو سوشل میڈیا پر وائرل ہوگئی۔
قومی ٹیم کے سابق کپتان سرفراز احمد کے بیٹے عبداللہ نے ہوٹل کی لابی میں سندھ کے کوچ باسط علی کو بولنگ کرائی جسے وہ سمجھ نہیں سکے اور کلین بولڈ ہوگئے۔
ویڈیو میں دیکھا جاسکتا ہے کہ عبداللہ ہوٹل کی لابی میں باسط علی کو گیند کروار ہے ہیں، عبداللہ کی گیند کو باسط علی سمجھ نہیں سکے اور بولڈ ہوگئے۔
— Basit Ali (@BasitAOfficial) October 4, 2021
سرفراز احمد کے بیٹے عبداللہ کی ویڈیو کو مداحوں کی جانب سے خوب سراہا جارہا ہے۔
فاسٹ بولر محمد عامر نے لکھا کہ ’عبداللہ تو مجھ سے بھی اچھی سوئنگ کررہا ہے، مستقبل میں پاکستان کی نمائندگی ضرور کرے گا۔‘
واضح رہے کہ گزشتہ سال مارچ میں بھی سرفراز احمد کی بیٹے کے ساتھ کرکٹ کھیلنے کی ویڈیو وائرل ہوئی تھی، ویڈیو میں عبداللہ بولنگ کرارہے تھے اور سرفراز احمد بیٹنگ کررہے تھے۔
سرفراز احمد نے ویڈیو سوشل میڈیا ویب سائٹ پر شیئر کی اور لکھا تھا کہ ’کچھ عرصہ پہلے میں اس گلی میں کرکٹ کھیلتا تھا اب میرے بیٹے کی باری ہے۔‘
Abdullah shot yar!but beta plz don’t run like abba beta plz 🙈@shani_official pic.twitter.com/GzElKEFP3w
— Sarfaraz Ahmed (@SarfarazA_54) August 17, 2020
