کیمیا کا نوبل انعام مشترکہ طور پر جرمن اور برطانوی سائنس دانوں کے نام رہا۔
تفصیلات کے مطابق کیمسٹری کے نوبل انعام 2021 کا اعلان کر دیا گیا، یہ انعام جرمنی کے بینجمن لِسٹ اور برطانیہ کے ڈیوڈ ڈبلیو سی میک ملن نے حاصل کیا ہے۔
نوبل انعام مالیکیولز کو بنانے کے لیے ایک نئے طریقہ کار کی تیاری، جس سے دوا سازی کی تحقیق میں پیش رفت اور ماحول پر کیمیا کے اثرات کم کرنے کے لیے سائنس دانوں کی خدمات کا اعتراف ہے۔
اس ایوارڈ کے ساتھ سائنس دانوں کو گولڈ میڈل اور 10 ملین سویڈش کرونر بھی دیے گئے ہیں۔
Learn more about the 2021 #NobelPrize in Chemistry
Press release: https://t.co/ZTmojxTAog
Popular information: https://t.co/yhv2AwJIcL
Advanced information: https://t.co/wxWHKRc9OK pic.twitter.com/frXKJ1ENMj— The Nobel Prize (@NobelPrize) October 6, 2021
یاد رہے کہ گزشتہ روز فزکس کا نوبل انعام 2021 طبیعیات دانوں سیوکورو منابے، کلاؤس ہاسل مین اور جارجیو پریسی کو دیا گیا تھا۔
ان سائنس دانوں کا تعلق اٹلی، جاپان اور جرمنی سے ہے، یہ انعام مذکورہ سائنس دانوں کو پیچیدہ جسمانی سسٹمز کو سمجھنے میں خدمات انجام دینے پر دیا گیا۔
طب یا فزیالوجی کا نوبل انعام 2021 بھی مشترکہ طور پر 2 امریکی سائنس دانوں ڈیوڈ جولیئس اور آرڈیم پاٹاپوٹیم نے حاصل کیا ہے۔
دونوں طبی سائنس دانوں کو اس انعام کا حق دار انسانی جسم میں درجۂ حرارت سے متعلق اعصابی نظام پر تحقیقات کرنے پر قرار دیا گیا۔
