ابوظبی: جنوبی افریقی فیلڈر نے کینگروز کھلاڑی اسٹیو اسمتھ کا شاندار کیچ تھام کر شائقین کرکٹ کو حیران کردیا۔
تفصیلات کے مطابق ٹی ٹوینٹی ورلڈ کپ کے میچ میں آسٹریلیا نے جنوبی افریقہ کو پانچ وکٹوں سے شکست دی، میچ کی خاص بات جنوبی افریقی کھلاڑی ایڈن مارکرم کا شاندار کیچ تھا جو انہوں نے مڈ آن پر آسٹریلوی کھلاڑی اسٹیو اسمتھ کا تھاما۔
آئی سی سی نے اپنے آفیشل انسٹا گرام اکاؤنٹ سے مختصر ویڈیو شیئر کی، ویڈیو میں دیکھا جاسکتا ہے کہ آسٹریلوی کھلاڑی اسٹیو اسمتھ مڈآن پر خوبصورت اسٹروک کھیلتے ہیں اسی دوران جنوبی افریقی کھلاڑی ایڈن مارکرم نے خوبصورت ڈائیو کی مدد سے گیند کو اپنے ہاتھوں میں تھام لیا۔
آسٹریلوی کھلاڑی اسٹیو اسمتھ خود یہ منظر دیکھ کر بوجھل قدموں کے ساتھ پویلین کی جانب چل پڑتے ہیں، آؤٹ ہونے سے قبل اسٹیو اسمتھ 35 رنز کی عمدہ اننگز کھیل چکے تھے۔
اس خوبصورت کیچ کی ویڈیو کو انسٹاگرام پر تین لاکھ سے زائد لائکس مل چکے۔
View this post on Instagram
