ریاض: سعودی عرب میں کوروناوائرس کے یومیہ کیسز میں پھر اضافہ ہورہا ہے۔
تفصیلات کے مطابق مملکت میں مسلسل دو روز سے کووڈ 19 کیسز پچاس سے زائد رپورٹ ہوئے اس سے قبل یہ تعداد 50 کے ہندسے کے اندر ہوا کرتی تھی۔
سعودی محکمہ صحت کا کہنا ہے کہ گزشتہ چوبیس گھنٹوں کے دوران کوروناوائرس کے 55 نئے کیسز رپورٹ ہوئے جبکہ 3 مریضوں کی اموات ہوئیں۔
- Advertisement -
محکمہ نے بتایا کہ سعودی عرب میں نئے کیسز رپورٹ ہونے کے بعد وبا سے متاثر ہونے والوں کی تعداد5 لاکھ 48 ہزار 423 ہوگئی، اب تک کووڈ 19 سے 8785 مریض انتقال کرچکے ہیں۔
گزشتہ چوبیس گھنٹوں کے دوران 42 مریضوں نے وبا کو شکست دی جس کے بعد مہلک وائرس سے صحت یاب ہونے والوں کی تعداد 5 لاکھ 37 ہزار 418 ہوگئی ہے۔
مملکت میں کورونا کے فعال کیسز میں سے 64 مریضوں کی حالت تشویش ناک ریکارڈ کی گئی۔
