اسلام آباد : پاکستان نے بھارت میں مسلمانوں کے گھروں کی توڑ پھوڑ کے واقعات کی مذمت کرتے ہوئے کہا ریاستی مشینری مسلمانوں اوران کی املاک کے تحفظ میں ناکام رہی۔
تفصیلات کے مطابق پاکستانی دفتر خارجہ کی جانب سے بیان میں کہا گیا کہ بھارت میں مسلمانوں کے گھروں کی توڑپھوڑ کے واقعات کی مذمت کرتے ہیں ، بھارت میں افسوسناک اوربہیمانہ حملےایک ہفتے سےجاری ہیں۔
ترجمان دفترخارجہ کا کہنا تھا کہ ریاستی مشینری مسلمانوں اوران کی املاک کےتحفظ میں ناکام رہی، آرایس ایس مسلمانوں کے انسانی حقوق کی خلاف ورزیاں کراتی آرہی ہے۔
ترجمان نے کہا کہ بھارت میں اقلیتوں کے لئے گنجائش نہ ہونے کے برابر ہے، آسام میں مسلمانوں کو ان کے گھروں سے بے دخل کیا گیا۔
پاکستانی دفتر خارجہ نے مطالبہ کیا کہ عالمی برادری بھارت میں اقلیتوں کی حفاظت کیلئے کردار ادا کرے۔
Comments
- Advertisement -
