اقوام متحدہ کے سیکریٹری جنرل انتونیو گوتریس نے کرونا وائرس کی لپیٹ میں آکر 50 لاکھ سے زائد افراد کی اموات کی تصدیق کردی۔
دو برسوں کے دوران دنیا بھر میں پھیلی کرونا وائرس کی تباہ کاریوں سے متعلق گفتگو کرتے ہوئے سیکریٹری جنرل اقوام متحدہ انتونیو گوتریس نے کہا کہ کرونا وبا نے ایک اور سنگ میل عبور کرلیا ہے۔
انہوں نے کہا کہ اب تک کرونا کے باعث پچاس لاکھ سے زائد افراد جان کی بازی ہار چکے ہیں، ہمیں مزید تباہی اور اموات سے بچنے کےلیے لوگوں کی ویکسین اور علاج تک رسائی کو یقینی بنانا ہوگا۔
- Advertisement -
اس سے قبل اقوام متحدہ کے سیکریٹری جنرل انتونیوگوتریس نے کہا تھا کہ کرونا وائرس سے لڑتے غریب ممالک کو قرضوں میں رعایت دینی چاہیے۔
