پاکستان کے سابق اسپیڈ اسٹار شعیب اختر پی ٹی وی کے خلاف قانونی جنگ لڑنے کو ڈٹ گئے۔
شعیب اختر نےسرکاری ٹی وی کے نوٹس کو انتہائی مایوس کن قرار دیتے ہوئے کہا کہ سرکاری ٹی وی میری عزت کی حفاظت کرنےمیں ناکام رہا اور اب ریکوری کے نوٹس بھیج رہا ہے جو مایوس کن ہے۔
انہوں نے کہا کہ میں ایک فائٹر ہوں ہار نہیں مانوں گا اور قانونی جنگ لڑوں گا میرےوکیل سلمان نیازی نوٹس پرقانون کےمطابق اقدامات کریں گے۔
سرکاری ٹی وی کی جانب سے سابق فاسٹ بولر کو ہرجانے کا نوٹس بھیجا گیا ہے جس میں پی ٹی وی نے راولپنڈی ایکسپریس نے 10 کروڑ روپے ہرجانے کا مطالبہ کیا ہے۔
Utterly Disappointed. After miserably failing to safeguard my respect & repute while i was working for PTV, they have now sent me a Recovery Notice. I am a fighter & will not give up & fight this legal battle. My lawyer @SalmanKNiazi1 will take this forward according to law.
— Shoaib Akhtar (@shoaib100mph) November 7, 2021
نوٹس میں کہا گیا ہے کہ شعیب اختر نے بغیر بتائے اماراتی ریاست دبئی جاکر بھارتی کرکٹرز کے ساتھ شو کیا جس کی وجہ سے سرکاری ٹی وی کو نقصان کا سامنا کرنا پڑا۔
شعیب اختر کی ورلڈ کپ ٹی ٹوئنٹی کے درمیان غیر حاضری پر بھیجے گئے نوٹس میں کہا گیا ہے کہ ‘آپ کی وجہ سے پی ٹی وی کو جو نقصان ہوا اس پر 100 ملین روپے ادا کریں’۔
سرکاری ٹی وی نے شعیب اختر سے غیر نوٹس پیریڈ استعفیٰ دینے پر تین ماہ کی تنخواہ (30 لاکھ روپے) کی ادائیگی کا بھی مطالبہ کیا ہے۔