اسلام آباد : پاکستان میں 12 سے 18 سال کے 50 فیصد طالب علموں کو کورونا ویکسین کی ایک خوراک لگا دی گئی، جس کے بعد کورونا ویکسین لگوانے والے طالب علموں کی تعداد 55 لاکھ سے تجاوز کرچکی ہے۔
تفصیلات کے مطابق نیشنل کمانڈ اینڈ آپریشن سینٹر کے سربراہ اسد عمر نے سماجی رابطے کی ویب سائٹ ٹوئٹر پر اپنے پیغام میں کہا ہے کہ الحمداللہ 12 سے 18 سال عمر کے 50 فیصد طالب علموں کو کورونا ویکسین کی کم از کم ایک خوراک لگادی گئی، جس کے بعد ملک بھر میں کورونا ویکسین لگوانے والے طالب علموں کی تعداد 55 لاکھ سے تجاوز کر چکی ہے۔
اسد عمر کا کہنا تھا کہ کورونا ویکسین لگوانے میں گلگت بلتستان 68 فیصد طالب علموں کے ساتھ پہلے اور پنجاب 62 فیصد طالب علموں کے ساتھ دوسرے نمبر پر ہے۔
Alhamdulillah more than half the students between the ages of 12 and 18 have been vaccinated with at least 1 dose. Total students vaccinated so far exceeds 5.5 million. GB leads the way with 68% and Punjab is second with 62%.
— Asad Umar (@Asad_Umar) November 11, 2021
گذشتہ روز اسد عمر نے اپنے ٹوئٹ میں کہا تھا کہ ہم نے کورونا ویکسین کا 50فیصد ہدف حاصل کرلیاہے اور ملک میں ویکسین کی اہل50 فیصد آبادی کو ایک خوراک لگ چکی ہے۔
ان کا کہنا تھا کہ خیبر پختونخوا ویکسین کی اہل 50 فیصد آبادی کو کم از کم ا ایک خوراک لگانے والا دوسرا صوبہ بن گیا ، گزشتہ روز ریکارڈ ویکسین لگائی گئی، گزشتہ روز 17 لاکھ افراد کو کورونا ویکسین لگائی گئیں۔
Reached important milestone of 50% of country’s eligible population receiving at least 1 dose. KP became 2nd province to vaccinate half it’s eligible population with at least 1 dose. Yesterday was highest vaccination day in Pakistan with 1.7 million doses. #WelldonePakistan
— Asad Umar (@Asad_Umar) November 10, 2021
