امریکی گلوکارہ و اداکارہ پیرس ہلٹن نے معروف کاروباری شخص کارٹر ریوم سے شادی کرلی۔
امریکی گلوکارہ پیرس ہلٹن اور کارٹر ریوم نے رواں سال فروری میں اداکارہ کی چالیسویں سالگرہ کے موقع پر منگنی کی تھی، گلوکارہ کی شادی میں قریبی عزیز اور دوستوں نے شرکت کی۔
پیرس ہلٹن نے انسٹاگرام پر اپنی تصویر شیئر کرتے ہوئے ہیش ٹیگز کا استعمال کرکے مداحوں کو بتایا کہ انہوں نے 11 نومبر کو شادی کرلی۔
View this post on Instagram
ان کے شوہر کارٹر ریوم نے انسٹاگرام پر شادی سے متعلق کوئی پوسٹ نہیں کی، البتہ ان کی شادی کے انتظامات کرنے والی شخصیات نے ان کی تصاویر شیئر کرتے ہوئے انہیں شادی کی مبارک باد پیش کی۔
پیرس ہلٹن کی پوسٹ پر متعدد معروف شوبز، سیاسی، سماجی و کاروباری شخصیات نے کمنٹس کرتے ہوئے انہیں نئی زندگی شروع کرنے پر مبارک باد بھی پیش کی ہے۔
امریکی گلوکارہ اس سے پہلے دو بار منگنی کر چکی ہیں تاہم ان کی دونوں منگنیاں ایک سال بعد شادی سے قبل ہی ٹوٹ گئی تھیں۔
