ڈھاکا: بنگلہ دیش کے خلاف پہلے ٹی 20 میچ میں حسن علی کی بولنگ اسپیڈ کی تصویر سوشل میڈیا پر وائرل ہوگئی۔
قومی ٹیم نے بنگلہ دیش کو پہلے ٹی 20 میچ میں سنسنی خیز مقابلے کے بعد 4 وکٹوں سے شکست دے کر تین میچوں کی سیریز میں 1-0 کی برتری حاصل کرلی۔
قومی ٹیم کے فاسٹ بولر حسن علی نے تین وکٹیں حاصل کرنے پر میچ کا بہترین کھلاڑی قرار دیا گیا۔
حسن علی کی بولنگ اسپیڈ کی ایک تصویر بولر جنید خان نے سماجی رابطے کی ویب سائٹ ٹویٹر پر شیئر کی اور مزاحیہ انداز میں لکھا کہ ’حسن علی کو تیز ترین گیند کرنے پر مبارک باد پیش کرتے ہیں۔‘
جنید خان نے مزید لکھا کہ ’شعیب اختر آپ اب دوسرے تیز ترین بولر بن گئے ہیں۔‘ فاسٹ بولر جنید خان نے آخر میں لکھا کہ ’بہت ہی مزاحیہ غلطی ہے۔‘
Congratulations @RealHa55an on being the fastest bowler in the world. @shoaib100mph now you're the second fastest 😄😄😄
Haha funny mistakes pic.twitter.com/JbkbMSd9GV— Junaid khan 83 (@JunaidkhanREAL) November 19, 2021
واضح رہے کہ حسن علی نے 219 کی رفتار سے گیند نہیں کی ہے دراصل یہ غلطی سے لکھ دیا گیا جس کی تصویر سوشل میڈیا پر خوب وائرل ہورہی ہے۔
