اسلام آباد : پاکستان نے فروری2019 میں ایف 16 گرانے کا بھارتی دعویٰ مسترد کرتے ہوئے بے بنیاد اور من گھڑت قرار دے دیا۔
تفصیلات کے مطابق پاکستانی دفتر خارجہ کے ترجمان عاصم افتخار کی جانب سے بیان میں کہا گیا ہے کہ فروری2019میں ایف 16 گرانے کابھارتی دعویٰ مستردکرتےہیں، ایف 16جہازگرانے کے بھارتی دعوے بے بنیاداور من گھڑت ہیں۔
ترجمان دفترخارجہ کا کہنا تھا کہ ابھی نندن کی گرفتاری سے پہلے ایف 16جہازگرانے کا بھارتی دعویٰ جھوٹا ہے ، بھارتی پائلٹ کو ایوارڈ دینا اپنی عوام کوخوش کرنا اور خفت مٹانا ہے۔
ترجمان نے کہا کہ ابھی نندن کو ایوارڈ دینےکامقصد بھارتی عوام کواصل مدعہ سےتوجہ ہٹانےکی کوشش ہے، عالمی ماہرین ،امریکی حکام نے تصدیق کی تھی ایف 16طیارہ نہیں گرایا گیا ، ماہرین نےاسٹاک کاجائزہ لےکرطیارہ نہ گرائے جانے کی تصدیق کی تھی،ترجمان
دفترخارجہ کا مزید کہنا تھا کہ بھارتی پائلٹ کواعزازسے نوازنا فوجی کنڈکٹ او راقدارکے منافی ہے، شکست خوردہ بھارتی پائلٹ کو اعزازسے نوازنا اپنا مذاق اڑانے کے مترادف ہے۔
انھوں نے کہا کہ پاکستان ایئرفورس نے2بھارتی جہازوں کو دن کی روشنی میں مارگرایاتھا، ایک بھارتی مگ21طیارہ آزادجموں وکشمیرکی حدود میں مارگرایاتھا۔
ترجمان کا کہنا تھا کہ پائلٹ کوپاکستان نے پکڑ کر بعدمیں جذبہ خیرسگالی کےتحت رہا کیا، بھارتی پائلٹ بھجوانااس بات کاغمازہے ، پاکستان امن کاخواہاں ہے۔
عاصم افتخار نے کہا کہ دوسرابھارتی ایس یو 30جنگی طیارہ ایل او سی کی دوسری جانب گرا تھا جبکہ بھارتی فوج نےخوف سےاپناہی ہیلی کاپٹرسری نگر کے قریب مارگرایا، پہلےبھارتی فوج نےاس سےانکارکیابعدمیں اپنی غلطی کوتسلیم کرلیا۔
ان کا کہنا تھا کہ پاکستان دشمن کےعزائم کو خاک میں ملانے کےلیےمستعدہے، بھارت کو منہ توڑ جواب کےباعث مستقبل میں ایسی مہم جوئی سے باز رہنا چاہیے۔
