اسٹاک مارکیٹ میں شدید مندی ، ڈالر کی اونچی اڑان جاری

پاکستان اسٹاک ایکسچینج میں مسلسل تیسرے روز شدید مندی کا رجحان جاری ہے۔

تفصیلات کے مطابق پاکستان اسٹاک ایکسچینج میں مسلسل تیسرے روز بھی شدید مندی کا رجحان جاری ہے، کے ایس ای 100 انڈیکس مزید 504 پوائنٹس کی کمی واقع ہوئی ہے، جس کے نتیجے میں انڈیکس 44444پوائنٹس پرٹریڈ کررہاہے۔

مارکیٹ ذرائع کا کہنا ہے کہ 3دن میں 100 انڈیکس 2080 پوائنٹس نیچے آچکا ہے۔

گذشتہ روز بھی کے ایس ای 100 انڈیکس مزید700پوائنٹس کمی کے ساتھ 44900 پوائنٹس پر بند ہوا تھا، مندی کے سبب مارکیٹ میں سرمایہ کاروں کے مزید124ارب روپے سے زائد ڈوب گئے تھے۔

ادھر انٹر بینک میں ڈالر مزید 45 پیسے مہنگا ہوا ہے، جس کے باعث امریکن کرنسی 174 روپے75 پیسے پر ٹریڈنگ کررہی ہے جبکہ اوپن مارکیٹ میں ڈالر کی 175 روپے 15 پیسے پر فروخت ہورہا ہے۔

گذشتہ روز انٹر بینک میں ڈالر 174 روپے 30 پیسے پر بند ہوا تھا۔

Comments