سعودی شہر میں قیامت ٹوٹ پڑی، ہلاکتیں

ریاض: سعودی عرب میں خطرناک ٹریفک حادثے کے باعث 4 افراد زندگی کی بازی ہار گئے۔

عرب میڈیا کی رپورٹ کے مطابق مملکت کے شہر مدینہ میں بس اور ٹرک کے درمیان تصادم ہوا جس کے سبب 4افراد جاں بحق اور متعدد زخمی ہوگئے ہیں۔

رپورٹ میں بتایا گیا کہ یہ خوفناک حادثہ الحجرہ ہائی وے پر پیش آیا۔ حادثے کی شکار بس میں40 سے زائد افراد سوار تھے، زخمیوں کو مقامی اسپتال منتقل کردیا گیا ہے۔

متعلقہ انتظامیہ کا کہنا ہے کہ متاثرین کو اسپتال منتقل کرنے سے قبل جائے وقوع پر فوری طبی امداد فراہم کی گئی۔

الحجرہ ہائی وے، مدینہ شہر کی مصروف ترین شاہراہ سمجھی جاتی ہے۔ ریسکیو حکام نے کہا کہ جائے وقوع کو کیلئر قرار دینے کے بعد سڑک ٹریفک کے لیے بحال کردی گئی ہے۔

Comments