ریاض : سعودی وزارت حج وعمرہ نے مملکت میں آنے والوں کیلئے نئے قوائد وضوابط جاری کردیے، جس میں کہا ہے کہ ویزا ان کو جاری کیا جائے گا ، جو ویکسین کی مطلوبہ خوراکیں حاصل کر چکے ہو۔
تفصیلات کے مطابق سعودی وزارت حج وعمرہ نے مملکت آمد کے ضوابط کی تفصیلات جاری کردی، جس میں کہا ہے کہ ویزے سے قبل کورونا ویکسین کی تمام خوراکیں لگوالی جائے اور ویزا ان کو جاری کیا جائے گا ، جو ویکسین کی مطلوبہ خوراکیں حاصل کر چکے ہو۔
سعودی وزارت حج وعمرہ کا کہنا تھا کہ منظور شدہ ویکسین کی خوراکیں نہ لگوانے والوں کو3 دن تک قرنطینہ کیا جائے گا۔
ضوابط کے مطابق زائرین کو ہوٹل قرنطینہ میں قیام پر 48 گھنٹے کے بعد پی سی آر ٹیسٹ کراناہوگا، ٹیسٹ منفی آنے کی صورت میں مملکت میں قیام کی بھی اجازت ہوگی۔
یاد رہے سعودی حکومت نے ان افراد کو بھی براہ راست مملکت آنے کی اجازت دے دی تھی ، جنہوں نے کورونا ویکسین کی صرف ایک خوراک لگوا رکھی ہے۔
اس حوالے سے مملکت کی وزارت داخلہ کا کہنا تھا کہ وہ افراد جنہوں نے سعودی عرب میں ویکسین کی ایک خوراک لگوائی ہے وہ بھی 4 دسمبر سے براہ راست مملکت آسکتے ہیں۔
