اسلام آباد : سعودی عرب اور پاکستان کے درمیان ڈپازٹ کے معاہدے پر دستخط ہوگئے ، معاہدے کے تحت سعودی فنڈ اسٹیٹ بینک کے پاس 3ارب ڈالر رکھوائے گا۔
تفصیلات کے مطابق اسٹیٹ بینک آف پاکستان اور سعودی فنڈ فار ڈیولپمنٹ کی جانب سے مشترکہ اعلامیہ جاری کردیا ہے ، جس میں کہا گیا ہے کہ سعودی فنڈفارڈیولپمنٹ اور اسٹیٹ بینک میں ڈپازٹ معاہدے پر دستخط ہوگئے ، دستخط سعودی فنڈچیف ایگزیکٹوآفیسرہزایکسی لینسی سلطان بن عبدالرحمٰن المرشد نے کئے۔
1/2سعودی فنڈ فار ڈویلپمنٹ نے آج حکومت پاکستان کے نمائندہ #SBP کے ساتھ 3.0 ارب ڈالر ڈپازٹ کے ایک معاہدے پر #SBP میں دستخط کیے ۔ یہ ڈپازٹ #SBP کے زرِ مبادلہ ذخائر کا حصہ بن جائیں گے۔پریس ریلیز: https://t.co/VZIG6n8Fim@saudifund_dev @AhmedAlKhateeb @saalmarshad #ProsperTogether
— SBP (@StateBank_Pak) November 29, 2021
گورنر اسٹیٹ بینک رضا باقر نے بینک دولت پاکستان کراچی میں دستخط کئے ، معاہدے کے تحت سعودی فنڈاسٹیٹ بینک کےپاس 3ارب ڈالر رکھوائے گا اور ڈپازٹ رقم اسٹیٹ بینک زرمبادلہ ذخائر کا حصہ بنے گی۔
اعلامیے میں کہا گیا کہ ڈپازٹ رقم زرمبادلہ ذخائرمیں معاونت اور کوروناکے منفی اثرات سےنمٹنےمیں مدد دے گی۔