برن : یورپی ملک سوئٹزرلینڈ خودکشی کو آسان بنانے والی مشین کو قانونی حیثیت دینے والا واحد ملک بن گیا۔
غیر ملکی میڈیا کے مطابق سوئٹزرلینڈ نے خودکشی کرنے والی مشین کو قانونی حیثیت دی ہے جو انسان کو ایک منٹ کے اندر موت کے گھاٹ اتار دیتی ہے۔
سارکو مشین کو اندر سے چلایا جا سکتا ہے، جولوگ لاک ان سنڈروم کے مریض ہیں صرف پلک جھپک کر اس کا استعمال کر سکتے ہیں، یہ کیپسول میں آکسیجن کو انتہائی سطح سے بھی کم کر دیتا ہے۔
- Advertisement -
اس عمل میں ایک منٹ سے بھی کم وقت لگتا ہے اور موت ہائپوکسیا اور ہائپوکیپنیا (ٹیشوز کو ناکافی آکسیجن کی فراہمی اور خون میں کاربن ڈائی آکسائیڈ کی کمی) کے ذریعے ہوتی ہے جس سے آدمی نسبتا آرام سے اور کم تکلیف سے مر سکتا ہے۔
واضح رہے کہ سوئٹزرلینڈ میں خودکشی قانونی ہے اور گزشتہ سال تقریباً 13سو افراد نے ایتھنیشیا تنظیموں کی خدمات استعمال کیں۔
