واشنگٹن: امریکی شہری اس وقت ہکا بکا رہ گیا کہ جب نئے خریدے گئے صوفے سے سانپ برآمد ہوا۔
غیرملکی خبررساں ادارے کی رپورٹ کے مطابق یہ واقعہ امریکا کی ریاست فلوریڈا میں پیش آیا، مذکورہ شخص لاعمل تھا کہ اس نے جو صوفہ خریدا اس میں سانپ چھپا ہوا ہے۔
رپورٹ میں بتایا گیا کہ کلیئر واٹر نامی شہر سے تعلق رکھنے والے فرد کے ہاں نئے صوفے سے تقریباً 5 فٹ سانپ برآمد ہوا، مقامی پولیس نے سانپ کو پکڑنے کے بعد فوٹو شیئرنگ ایپ انسٹاگرام پر تصاویر بھی شیئر کردیں۔
انٹرنیٹ پر اس انوکھے واقعے اور سانپ کی تصاویر دیکھ کر سوشل میڈیا صارفین کے بھی اوسان خطا ہوگئے۔
پولیس کا کہنا ہے کہ انہیں شہری نے اپنے گھر سانپ کی اطلاع دی تھی بعد ازاں اہلکار موقع پر پہنچے جہاں سے بوا نامی سانپ نکالا گیا، خوش قسمتی سے کوئی جانی نقصان نہیں ہوا۔
اہلکاروں نے صوفے کو کمرے سے باہر نکال کر سانپ کو قابو کیا۔ شہری کا کہنا ہے کہ ممکنہ طور پر سانپ پہلے سے ہی صوفے میں موجود تھا جہاں سے میں لے کر آیا ہوں۔
ایک سوشل میڈیا صارف نے دلچسپ تبصرہ کیا کہ شہری ‘موت’ خرید کر گھر لے آیا۔
View this post on Instagram
