کراچی: معروف گلوکارہ مومنہ مستحسن نے پاکستان اور ویسٹ انڈیز کے تیسرے ٹی 20 سے متعلق مداحوں سے سوال پوچھ لیا۔
پاکستان اور ویسٹ انڈیز کے درمیان ٹی 20 سیریز کا آخری میچ کل نیشنل اسٹیڈیم کراچی میں کھیلا جائے گا، گلوکارہ مومنہ مستحسن بھی شائقین کی کم تعداد پر چپ نہ رہ سکیں۔
گلوکارہ نے سوشل میڈیا پر تیسرے ٹی 20 میں ساتھ چلنے والوں کی تلاش شروع کردی۔
مومنہ مستحسن نے سوشل میڈیا پر وسیم اکرم کے ٹویٹ پر ردعمل دیتے ہوئے کہا کہ ’آئیے اسے تبدیل کریں، کون میرے ساتھ 16 دسمبر کو کراچی میں پاک ویسٹ انڈیز کا تیسرا ٹی 20 میچ دیکھنے جانا چاہتا ہے؟
گلوکارہ نے کہا کہ پاکستان سے باہر ویکسین کروانے والوں اور مقامی آن لائن بینکنگ نہ رکھنے والوں کو ٹکٹ خریدنے سے روک دیا گیا ہے۔
Let’s change that! Who wants to go watch #PAKvsWIt20 in Karachi on the 16th with me? 🙋🏻♀️🙋🏻♀️ 🏏
However, those vaccinated outside Pakistan and not having local online banking are barred from purchasing tickets. Can we change that too, @TheRealPCB? https://t.co/dSyNr0ZWtc— Momina Mustehsan (@MominaMustehsan) December 14, 2021
مومنہ نے پی سی بی کو ٹیگ کرتے ہوئے کہا کہ ’کیا ہم اسے بھی تبدیل کرسکتے ہیں؟‘
واضح رہے کہ وسیم اکرم نے گزشتہ روز کراچی والوں کی پاکستان ویسٹ انڈیز سیریز میں عدم دلچسپی پر افسردہ کا اظہار کیا تھا۔
یاد رہے کہ پاکستان نے ویسٹ انڈیز نے دوسرے ٹی 20 میچ میں 9 رنز سے شکست دے کر سیریز میں 2-0 کی فیصلہ کن برتری حاصل کرلی ہے، دونوں ٹیموں کے درمیان تیسرا ٹی 20 کل کھیلا جائے گا۔
