بھارت میں دلہے کی بگھی میں آگ بھڑک اٹھی جس کی ویڈیو سوشل میڈیا پر وائرل ہوگئی۔
بھارتی ریاست گجرات کے پنچ محل ضلع میں بگھی میں بارات لائی جارہی ہے اور دلہا اسی میں موجود تھا کہ اچانک بگھی میں آگ لگ گئی جس کے باعث افرا تفری مچ گئی۔
ویڈیو میں دیکھا جاسکتا ہے کہ بارات کے موقع پر لوگ رقص کررہے تھے اور پٹاخے پھوڑ رہے تھے، گھوڑا گاڑی میں کچھ پٹاخے رکھے ہوئے تھے جس میں آگ لگی۔
بگھی میں آگ بھڑکی تو دلہے نے چھلانگ لگا کر اپنی جان بچائی، واقعے میں خوش قسمتی سے کوئی جانی نقصان نہیں ہوا۔
ویڈیو میں بارات میں شریک لوگوں کو آگ کے شعلوں پر پانی ڈالتے ہوئے آگ بجھانے میں مدد کرتے دیکھا جاسکتا ہے۔
A horse carriage caught fire during a wedding procession in #Gujarat‘s Panchmahal. The groom had a narrow escape but no one was injured in the incident. pic.twitter.com/vsryXvWYFD
— India.com (@indiacom) December 15, 2021
بعدازاں قریبی دکانوں سے آگ بجھانے کے آلات لائے گئے اور آگ پر قابو پایا گیا۔
واقعے کی ویڈیو سوشل میڈیا پر تیزی سے وائرل ہورہی ہے اور صارفین کی جانب سے اس پر تبصرے بھی کیے جارہے ہیں، کچھ صارفین یہ سوال کرتے دکھائی دیے کہ گھوڑے کی جان بچ گئی۔
