جوہانسبرگ: جنوبی افریقہ کے سابق کھلاڑیوں کے خلاف نسلی تعصب کے الزامات ثابت ہوگئے۔
تفصیلات کے مطابق جنوبی افریقہ کے سابق کپتان اے بی ڈی ویلیئرز، گریم اسمتھ، موجودہ کوچ اور سابق وکٹ کیپر مارک باؤچر کے خلاف سیاہ فام کھلاڑیوں کے ساتھ متعصبانہ رویے کا الزام ثابت ہوگیا۔
اس بات کا انکشاف جنوبی افریقہ کے سوشل جسٹس ڈیپارٹمنٹ کی تحقیقات کے بعد جامع رپورٹ میں کیا گیا۔
واضح رہے کہ جنوبی افریقہ کے سابق کرکٹرز پال ایڈمز اور مکھایا این تینی نے ساتھی کھلاڑیوں پر متعصبانہ رویہ اختیار کرنے کی شکایات کی تھیں جس پر تحقیقات ہوئیں۔
جنوبی افریقی بورڈ کا کہنا ہے کہ رپورٹ کا مطالعہ کررہے ہیں ابھی کسی کے خلاف کارروائی نہیں کی جارہی ہے۔
Cricket South Africa confirms that the report compiled by the Social Justice and Nation Building (SJN) Ombudsman, Adv Dumisa Ntsebeza has been received and is now available.
Access the report here ➡️ https://t.co/F9zYuGXLDN pic.twitter.com/eH1pkpqyjV
— Cricket South Africa (@OfficialCSA) December 15, 2021
واضح رہے کہ گریم اسمتھ کی کپتانی میں جنوبی افریقہ کی ٹیم میں سیاہ فام کھلاڑی مکھایا این تینی، پال ایڈمز ودیگر شامل تھے۔
اس سے قبل مکھایا این تینی نے الزام لگایا تھا کہ اگر تھامی (ڈومیسٹک کھلاڑی) سفید فام ہوتا تو اب تک ٹیسٹ الیون کا حصہ ہوتا جبکہ انہوں پورے اسکواڈ میں صرف ایک سیاہ فام پلیئر کی موجودگی پر بھی شدید تنقید کی تھی۔
تاہم تھامی کا کہنا تھا کہ ٹیسٹ اسکواڈ میں ہونے کے باوجود میرے فیلڈ میں نہ اترپانے کی وجہ کوئی نسلی امتیاز نہیں میری گیری کرسٹن سے اس بات پر کافی بات ہوچکی اور میں ان سے پوری طرح مطمئن ہوں مجھے موقع ملنے کا پورا یقین ہے مگر اس میں ایک ہفتہ یا پھر ایک سال لگ سکتا ہے۔
