قومی ٹیم کے ہیڈ کوچ ثقلین مشتاق کی دلچسپ ویڈیو سوشل میڈیا پر وائرل ہوگئی۔
قومی ٹیم کے ہیڈ کوچ ثقلین مشتاق نے سماجی رابطے کی ویب سائٹ ٹویٹر پر دلچسپ ویڈیو شیئر کی جسے مداحوں کی جانب سے خوب سراہا جارہا ہے۔
ثقلین نے ویڈیو شیئر کرتے ہوئے لکھا کہ ’وہ قومی ٹیم کی سیریز کے باعث تین ماہ بعد گھر پہنچے ہیں۔‘
ویڈیو میں دیکھا جاسکتا ہے کہ ثقلین مشتاق کی بیٹیاں ان کے بالوں اور داڑھی پر کلپ لگا رہی ہیں اور وہ خود بھی اس سے خوب محظوظ ہورہے ہیں۔
Clearly…I’m home after a long 3 month’s of cricket serving the great Pakistan 🇵🇰 pic.twitter.com/gtG76pzoFJ
— Saqlain Mushtaq (@Saqlain_Mushtaq) December 17, 2021
ثقلین مشتاق نے چند منٹ قبل یہ ویڈیو شیئر کی جسے ہزاروں کی تعداد میں مداحوں نے پسند کیا۔
واضح رہے کہ پاکستان اور ویسٹ انڈیز کی سیریز کے بعد قومی ٹیم کے ہیڈ کوچ ثقلین مشتاق گھر پہنچے ہیں، اس سے قبل وہ مختلف دوروں پر ٹیم کے ساتھ تھے۔
ثقلین مشتاق نے اس سے قبل بھی ایک ویڈیو شیئر کی تھی جس میں بیٹی ان کا میک اپ کرتی ہوئی دکھائی دی تھیں۔
ان کا کہنا تھا کہ ہم اس وقت قرنطینہ میں ہیں اور میرا یہ حلیہ اس میک اپ آرٹسٹ نے کیا ہے، ثقلین مشتاق نے کہا کہ بیٹی نے مجھے زبردستی کہا کہ میرے ساتھ کھیلنا چاہتی ہے اور اب میرا میک اپ کرکے بہت خوش ہے۔
Stay safe, stay at home with your loved ones and enjoy our clip ❤️ pic.twitter.com/iFPP7p6ce2
— Saqlain Mushtaq (@Saqlain_Mushtaq) April 6, 2020
